كلمات أشعار حمدان بن محمد بن راشد آل مكتوم (( فـــــــــــــــــــــــــــزاع ))

كلمات أشعار حمدان بن محمد بن راشد آل مكتوم (( فـــــــــــــــــــــــــــزاع ))



ثمــــار الهـــــوى


ليتك معي يوم الهوى نـود نسنـاس
من الفرح والله مـا تدمـع العيـن
ناس على تعذيب نـاس لهـم نـاس
وهذا الهوى ياخذ قلـوب المحبيـن
لكن لا يطـري علـى بالـك اليـاس
ذوق الهوى دامك تعيش العمر حين
خذ من عطر ورد مع طيب الانفـاس
واقطف من اثمار الهوى في البساتين
خلك مع حلو اللمـا عـذب الالعـاس
الجادل اللـي فايـق بكـل تكويـن
لا تحط نفسك بين وعرات الاطعـاس
وافهم بـأن الحـب عـذب ملاييـن
الحـب مرجـع للمحبيـن واحسـاس
والحب هو في قلب الاحباب نوعيـن
ع كيف ما تبغي لك تـدق الاجـراس
والشاطر اللي يملك الحـب بيديـن





قصيدة ساجدة




لك حروفي قصيد ولـك قصيـدي شعـور
ولك شعوري خفوق نبضه الحَـيّ إنتـي
ولك غلا في صَميم الروح حَاضر حضـور
واشهد انك بقلبي وْلا عن العيـن غبتـي
يا سَنا الكـون كلّـه والعواطـف بحـور
يا ضيا العين ياللي في وَسَطها سكنتـي
يا بَعَد كل مـن لـي يـا أريـج الزهـور
يا أعذب حروف تظهر في كلامي وصمتي
يا شعاع تحلّـى وْلا علـى النـور نـور
بس ما غير نورك يظهـر ليـا ظهرتـي
ويْـا مـلاكٍ خلقـه الله لعمـري سـرور
وش تفيد الحياة بْيـوم لا مـن زعَلتـي
أعتذر لك ياعمري ولـو بعـذري قصـور
وانتي قدرك عَ راسي وْلا حشا بيوم هنتي
إبسمي يعـل ربّـي يحفظـك م الشـرور
تبتسم لي حَياتي وقـت فيـه ابتسمتـي
ان زعلتـي عَلّيـه كـن كونـي مهجـور
وان رضيتي تسابق ابتسامتـي فرحتـي
إنحنَتَ لك قصيـده ساجـدة ع السطـور
كثر ما انتي بمَكه يا اطهر الناس طفتـي





قدّها وقدود




صدق من قال يا محمد بأنك سيف مـا تنصـد
مرواتّك علم خفاق وفيك المرجلـه والجـود
يا بن راشد وابو راشد بنيت امجاد لك تشهـد
تجف أقلامي بمدحك,يحيـر العـد بالمعـدود
إذا منك بغيت الشـي فـلا عنـه مـرد وبـد
تطول اللي تقوله عز وانتـه قدهـا وقـدود
أشوف النجم ذاك بعيد,و أنت من النجـم أبعـد
ألا يا حظ أبو من هو تكون انته معه موجود
إذا اسمك يجي في الشعر يزيد البحر مـده مـد
يزيد الشعر في الشاعر تجيه أبيات دون حدود
مروض جامحات الخيل,مهدي الموقف المشتـد
مفرج كربة المظلوم,وشوق الفاتنات الخـود
أحد مثلك أنا ما القى رجل مثلك أبـد مـا حـد
على شعبه سطع نوره مثل بدر اليالي السود
أنا لاجلك كتبت الشعر وفضلك سيـدي ممتـد
على طول المدى نبقى لشورك طايعين جنـود





أنا في الشعر




أنا في الشعرابن هذاك إذا إنتـه تعـرف الشعـر
أهيج في البحور أمواج أمشيهّـا علـى كيفـي
واقولّك لا تجاريني تـرى أمشـي بـدربٍ وعـر
وإذا تبغي تجارينـي تـرى لـك امـدٍ سيفـي
ولا تضمن تحوز النصر وأنا بحـر وانتـه نهـر
وإذا عارضت تيّـاري بـرّى موجـي وسيفـي
وكم من واحدً غيرك تعرض لـي وجـاه الكسـر
ودارت به هبوب رياح فـي أقـوى عواصيفـي
تهاجم سايـل الأقـلام وسطـرً مايهّـزه سطـر
وإنته وينها افكـارك ععـن بيوتـي وتهديفـي
تبا روس العلا وانته تحول فـي طريقـك حـدر
تحاول بس ما تقـدر بـأن توصـل مشاريفـي
نجوم الليل مـا تنـور إذا بيّـن شعـاع البـدر
وش الي يجمع الوسمي على سحب ورْعد صيفي
تشـوف الجاذبيـه فـي هالدينـا تجـرك جـر
أنا عكسه افرك وين مـا أبغـي علـى كيفـي





........... وسـلامتكم ..

مشكووووووووووووور أخي ع مواضيعك الرائعه